{"product_id":"jean-pierre-reydy-chaucidas-dins-los-blats-9782913238565","title":"Chaucidas dins los blats","description":"\u003cp\u003eDempuei \u003ci\u003eVilajalet\u003c\/i\u003e, Jan-Peire Reidi seg sa reja, son sendaron.\n Dins lo parlar dau Nontrones, que pòrta naut, se\n fai tesmonh de çò que visqueren tots los nascuts d'après la\n guerra : la fin darriera dau temps neolitic - lo temps daus\n paisants, l'entrada, à gran bruch de motur, de las campanhas\n dins \u003ci\u003ela modernitat.\u003c\/i\u003e\u003c\/p\u003e\u003cp\u003eLo país que, l-i a cent ans, fasia viure dotze familhas de\n tres quatre generacions (quant de monde !), uei, 'n òme\n sol, sus un tractor naut coma 'na maison, lo trabalha e se\n planh de ne'n pas puescher tirar pro revengut.\u003c\/p\u003e\u003cp\u003eLas cronicas dau Jan-Peire Reidi, sos retrachs, son biais\n de parlar daus chens, de las 'belhas, dau vergier, de las...\n chaucidas, renden compte de çò que sòbra de la vielha\n civilizacion terrenala e de son bancuoladis dins lo fòra\n temps, fòra sòu, fòra memòria, que nos ne'n volen far la\n nòrma d'aüei.\u003c\/p\u003e\u003cp\u003e'Queu tesmonhatge qu'es, amai zo siaja sens sundir ni\n gramenas, lucha contra l'obludança, emb lo seu ton de\n mai en mai afortit, nos es precios.\u003c\/p\u003e\u003cp\u003ePer lo demai, dins 'queu libre qu'es boiradis - coma z'es\n la vita - de tant e tant de chausas, la crana edeia de nos\n contar totas las maisons ente damoret 'vant de tornar \u003ci\u003echas\n ilhs\u003c\/i\u003e (la memòria d-enguera), e la suspresa, a la fin, d'un\n texte d'una tonalitat tot autra (tot autra ?)...\u003c\/p\u003e","brand":"Las edicions dau Chamin de Sent Jaume","offers":[{"title":"Default Title","offer_id":53904532898134,"sku":null,"price":0.0,"currency_code":"EUR","in_stock":false}],"url":"https:\/\/www.momoxbooks.com\/products\/jean-pierre-reydy-chaucidas-dins-los-blats-9782913238565","provider":"momoxbooks","version":"1.0","type":"link"}