{"product_id":"hansruedi-lerch-parteiegrangel-dr-korperal-habegger-loest-e-schwirige-fall-9783856548834","title":"Parteiegrangel: Dr Korperal Habegger löst e schwirige Fall","description":"Im Vorfäld zu de Grossratswahle fingt e jungi Frou bim Oschtring usse ihre Vatter ir Wohnschtube tot - ghänkt. Är isch Kandidat vor e Chliipartei gsi, ohni Schangsse, gwählt z wärde. Werum bringt men e Maa uf em ne hingere Lischteplatz um? U das, nachdäm me dr ganz Summer dür im Bärnbiet sältsami Aaschleeg uf Wahlveraaschtaltige erläbt het! Vier Tag schpeter gits ir Länggass es zwöits Mordopfer - dasmal dür ne Schuss. Wider ischs e Kandidat von ere Schplittergruppe. Schteckt es politisches Motiv drhinger? Oder was süsch?\u003cbr\u003eDr Houpme Fanger übertreit d Ermittlige vo Aafang aa sim Schpezialischt, em Korperal Fritz Habegger. Dä fingt use, was für Parallelene di beide Fäll verbindet. D Lisette, si Frou, im sibete Monet schwanger, fingt sogar no ne wiitere wärtvolle Aahaltspunkt.\u003cbr\u003eSchliesslech entdeckt dr Fridu, dass es sinerzit z Bayern vor Landtagswahle en ähnlechi Mordserie gä het. Dert isch allerdings nach zwone Wuche es dritts Opfer z beklage gsi. Glingts em Habegger, e dritte Mord z verhindere? D Zit drängt - d Öffetlechkeit, d Press u d Schtadtregierig o. Dr Korperal kämpft sech no mit Fieber dür d Schwirigkeite düre, oni je dr Humor z verliere.","brand":"Emmentaler Druck","offers":[{"title":"Default Title","offer_id":53589701886294,"sku":null,"price":0.0,"currency_code":"EUR","in_stock":false}],"url":"https:\/\/www.momoxbooks.com\/products\/hansruedi-lerch-parteiegrangel-dr-korperal-habegger-loest-e-schwirige-fall-9783856548834","provider":"momoxbooks","version":"1.0","type":"link"}