{"product_id":"bethbeder-eric-rey-lescar-drom-9782909160429","title":"Lescar Drom","description":"\u003cp\u003e\n      \u003ci\u003eNuda, tèba, amorosa, passa soleta devath la ploja.\n Estiu fenit.\n L'imatge, amor lusent molhat, se'n va dens la bruma d'abòr\u003c\/i\u003e\n    \u003c\/p\u003e\u003cp\u003e\n      \u003ci\u003eTotun, capborrut, lo só trauca la nubla\n En me brutlant los uelhs vielhs.\n A on deshèi lo traç de la soa alen :\n esbarrit dens la cuèva escura d'ua nueit inacabada\n o abandonat, atau, frement sus l'èrba cauda d'un ser d'agost ?\u003c\/i\u003e\n    \u003c\/p\u003e\u003cp\u003e\n      \u003ci\u003eNon sèi mei on me mian los pas.\n Penut, sarrat, premut,\n Tròç amar de carn, nèrvis e òs.\n Suu ton piet, bavi lo shuc d'ua fruta agra,\n present deu Diable, diable de present.\n Espiar usclat.\u003c\/i\u003e\n    \u003c\/p\u003e\u003cp\u003e\n      \u003ci\u003eA boca de nueit tringla l'esquira de la catedrau.\n Lescar drom, pesuga d'arren.\n Te tieni la man, mainada.\n Ns'estancam, còp sec, briacs,\n au mitan deu Monde.\n Un camin aspre e calhavut mia a l'espèr d'ua auba navèra\n a la Paraula arretrobada.\u003c\/i\u003e\n    \u003c\/p\u003e\u003cp\u003e\n      \u003ci\u003eMes sus las montanhas negras e blancas\n boha un aire viciat,\n hòu de malícia e de dòu.\n Capvath la Caronha s'estira,\n lasciva.\n Shens cès ni pausa, viran los vutres,\n punts negrós e mavents. Esmavents.\n Clarvedents.\u003c\/i\u003e\n    \u003c\/p\u003e\u003cp\u003e\n      \u003ci\u003eLa deishèi enairà's cap au cèu\n vueit deu passat.\n Non la deisharàs pas, n'ac voi pas.\n E m'escotas ? E m'entenes ?\n Non pòt esvaní's atau. Non vencerà lo Mau\n T'ac juri. N'an mentit.\u003c\/i\u003e\n    \u003c\/p\u003e","brand":"RECLAMS","offers":[{"title":"Default Title","offer_id":53917497885014,"sku":null,"price":0.0,"currency_code":"EUR","in_stock":false}],"url":"https:\/\/www.momoxbooks.com\/products\/bethbeder-eric-rey-lescar-drom-9782909160429","provider":"momoxbooks","version":"1.0","type":"link"}