{"product_id":"a-de-exupery-saint-lo-princot-9782824001494","title":"Lo Prinçot","description":"\u003cp\u003eAntoine de Saint-Exupéry qu'es vadut a Lion, lo\n 29 de Junh de 1 900. Que passè lo son mainatjum\n ençò de la soa sian, pròishe d'Amberieu puish que\n hadó sos estudis entà Senta-Crotz deu Mans, en\n Soïssa, e a París on preparè l'Escòla Navau. Totun\n que's manquè l'orau deu concors d'entrada ad\n aquesta escòla : que decideish alavetz de seguir los\n corrs de l'Escòla de las Bèras-Arts. En 1921, que hè\n lo servici militari en Estrasborg, hens l'armada de\n l'aire. Qu'apren a pilotar, e autalèu, la soa carrièra\n qu'es aviada. Au sortir de l'armada, en 1923, que hè\n mantuns mestèirs. Que's bota a escríver e publica,\n en 1925, lo son prumèr raconte que l'accion se'n\n situeish hens lo monde de l'aviacion. En 1926, Saint-Exupéry entra ençò de Latecoèra,\n societat d'aviacion qui encamina lo corrièr de Tolosa a Dakar, com pilòte. Puish, qu'es\n nomat cap d'escala de Port-Juby, hens lo Rio de Oro. Qu'es en aquera tempsada\n qu'escriu \u003ci\u003eCourrier Sud\u003c\/i\u003e (1929). Dab Mermoz e Guillaumet, s'avia decap a l'America\n deu Sud entà estudià'i la possibilitat de crear navèras linhas aerianas. Que publica,\n en 1931, \u003ci\u003eVol de Nuit\u003c\/i\u003e que l'escaduda n'es un succès màger. Totun, la societat Latecoèra\n que hè la cabuishada : estacat a \u003ci\u003eAir-France\u003c\/i\u003e en 1935, qu'ensaja de bàter lo recòrd París-Saïgon\n en avion, ensai mau-escadut. Puish en 1938, qu'ensaja de religar New York dinc\n a la Tèrra de Huec : alebat grevament au cors de l'assai, que passa longas mesadas\n de convalescéncia a New York. Publica alavetz \u003ci\u003eTerre des Hommes\u003c\/i\u003e (1939). Mentre la\n Segonda Guèrra Mondiau, que hadó partida de l'armada de liberacion : lo pilotatge\n li èra interdit pr'amor de la soa edat. Totun, Saint-Exupéry insisteish entà obtiéner\n missions : lo 31 de julh de 1944, que s'envòla de Borgo en Corsega. Ne'n tornarà pas\n jamei. Pendent la guèrra, que publiquè tres obratges : \u003ci\u003ePilote de guerre, Lettre à un\n otage, e Le Petit Prince\u003c\/i\u003e en 1943.\u003c\/p\u003e\u003cp\u003ePermèir publicat en 1995, aquí qu'es prepausada ua navèra arrevirada, demiada\n per Eric Chaplain, autor, editor e arreviraire en lenga nòsta desempuish mei\n de trenta ans.\u003c\/p\u003e","brand":"REGIONALISMES","offers":[{"title":"Default Title","offer_id":53901899006294,"sku":null,"price":0.0,"currency_code":"EUR","in_stock":false}],"url":"https:\/\/www.momoxbooks.com\/products\/a-de-exupery-saint-lo-princot-9782824001494","provider":"momoxbooks","version":"1.0","type":"link"}